კონფიდენციალურობა

ბოლო განახლება: 6 სექტემბერი, 2026

ეს გვერდი აღწერს, რა მონაცემებს ამუშავებს ნორმა, რატომ, სად და რამდენ ხანს. კითხვები — hello@norma.com.ge.

ვინ არის პასუხისმგებელი

Giga Tatarashvili, Burgfriedenstr. 3, 60489 Frankfurt am Main, გერმანია. კონტაქტი: hello@norma.com.ge.

ჯანმრთელობის მონაცემები — მკაფიო თანხმობა

წონა, სიმაღლე, ასაკი, სქესი, მიზნები და კვების ჩანაწერები GDPR-ის მე-9 მუხლით განსაკუთრებული კატეგორიის (ჯანმრთელობის) მონაცემებია. მათ ვამუშავებთ მხოლოდ შენი მკაფიო თანხმობით, რომელსაც აპლიკაცია პირველი შეკითხვების დაწყებამდე ითხოვს (მუხლი 9(2)(a)). თანხმობის გატანა ნებისმიერ დროს შეგიძლია — ანგარიშის წაშლით.

რას ვამუშავებთ

ანგარიში

ნორმას ანგარიში სჭირდება. მას ქმნი Apple-ით, Google-ით ან ელფოსტით — ბოლო შემთხვევაში პაროლი არ არსებობს: ერთჯერად კოდს გიგზავნით ფოსტაზე და მას შეჰყავხარ. ჩვენ მხოლოდ იდენტიფიკატორსა და ელფოსტას ვიღებთ; Apple-ის Hide My Email ჩვეულებრივად მუშაობს.

თუ დიეტოლოგმა მოგიწვია, ერთი რამ ამას წინ უსწრებს: მოსაწვევის შესაქმნელად დიეტოლოგი წერს შენს სახელს და ელფოსტას, სურვილისამებრ ტელეფონსაც (საკონტაქტოდ, არა შესასვლელად) — ანუ ეს მონაცემები ჩვენამდე მან მოგვაწოდა, შენ სანამ ანგარიშს გახსნიდი. საფუძველი მისი და შენი ურთიერთობაა; ჩვენ მას ვამუშავებთ იმისთვის, რომ მოსაწვევი შენამდე მივიდეს და დიეტოლოგმა სიაში გცნოს. მოსაწვევი წერილი Resend-ით იგზავნება (აშშ, იხ. ქვემოთ). თუ ანგარიშს არ გახსნი, მოსაწვევი ვადაში იწურება; წაშლა ნებისმიერ დროს შეგიძლია hello@norma.com.ge-ზე მოთხოვნით.

დიეტოლოგი ხედავს იმას, რაც შენს გეგმას ეხება — შენს სახელს, გამოწერილ კვებებს, შენს პასუხებს და თქვენს მიმოწერას. სხვისი დიეტოლოგი ვერაფერს ხედავს.

ანგარიში არ არის ის, რასაც თანხმობას აძლევ — ის თავად სერვისის წინაპირობაა (მუხლი 6(1)(b) — ხელშეკრულების შესრულება). კერძის ამოცნობა ჩვენს სერვერზე ხდება, შენი დღიური იქ ინახება, რომ ტელეფონის დაკარგვას ან შეცვლას გადაურჩეს, გამოწერა კი ანგარიშით აღდგება.

თუ შეხვედი და ჯანმრთელობის მონაცემებზე თანხმობამდე შეჩერდი, ანგარიში მხოლოდ იდენტიფიკატორსა და ელფოსტას შეიცავს. ის ავტომატურად არ იშლება — წაშლა ნებისმიერ დროს შეგიძლია აპლიკაციიდან ან hello@norma.com.ge-ზე მოთხოვნით.

ხელოვნური ინტელექტი და მონაცემების გადაცემა აშშ-ში

კერძის ამოსაცნობად ფოტოს ვამუშავებთ Google-ის (Gemini) და Anthropic-ის (Claude) მოდელებით, რომლებიც ჩვენი დამმუშავებლები არიან.

შედეგი ყოველთვის შეფასებაა, აღინიშნება როგორც AI-შეფასება და რედაქტირებადია (EU AI Act, მუხლი 50). ეს არ არის სამედიცინო რჩევა.

შეტყობინებები

ორი შემთხვევაა, და ისინი სხვადასხვა არხს იყენებს:

• დიეტოლოგმა კვირის გეგმა გამოგიგზავნა ან შეცვალა — შეტყობინება მოდის ტელეფონზე და ელფოსტაზე.
• კლიენტმა კერძის ჩანაცვლება მოითხოვა (ეს დიეტოლოგს ეხება) — მოთხოვნა ჩნდება პანელში, მიმოწერაში, და ეგზავნება ელფოსტაზე. ტელეფონზე შეტყობინებას ამ დროს არ ვგზავნით: დიეტოლოგი პანელში მუშაობს და აპლიკაციაში ასეთი ეკრანი არ არსებობს.

რამდენ ხანს ვინახავთ

სანამ ანგარიში არსებობს. ანგარიშის წაშლისას:

• კერძების ფოტოები იშლება Storage-იდან;
• იშლება შეტყობინების იდენტიფიკატორები, პარამეტრები და მიწოდების ჩანაწერები;
• RevenueCat-ს ეგზავნება წაშლის მოთხოვნა, რომ გამოწერის ჩანაწერი მასთანაც წაიშალოს;
• შემდეგ იშლება თავად მომხმარებელი, რაც კასკადურად შლის ყველა ცხრილს — კვებას, წონას, გეგმას და სკანირების ჩანაწერებს.

შენი უფლებები

• წვდომა და გადატანა (მუხ. 15, 20) — აპლიკაციაში, „მონაცემების ექსპორტი" (JSON და PDF). ექსპორტი არ შეიცავს კერძების ფოტოებს — ისინი ფაილებია და ცალკე იგზავნება მოთხოვნით.
• წაშლა (მუხ. 17) — აპლიკაციაში, „ანგარიშის წაშლა".
• შესწორება (მუხ. 16), შეზღუდვა (მუხ. 18), წინააღმდეგობა (მუხ. 21).
• თანხმობის გატანა (მუხ. 7(3)) — ნებისმიერ დროს, სამომავლოდ.
• საჩივარი (მუხ. 77) — ზედამხედველ ორგანოსთან. ჩვენთვის ეს არის Hessischer Beauftragter für Datenschutz und Informationsfreiheit (ჰესენი, გერმანია).

ვებგვერდი

norma.com.ge არ იყენებს ქუქი-ფაილებს, ანალიტიკას და მესამე მხარის სკრიპტებს. შრიფტები ჩვენივე სერვერიდან იტვირთება.

მოლოდინის სია

თუ მთავარ გვერდზე ელფოსტას დატოვებ, ვინახავთ მხოლოდ მისამართს, ენას (ka) და თარიღს — Supabase-ში, ევროკავშირში (ფრანკფურტი). საფუძველია შენი თანხმობა (მუხლი 6(1)(a)), რომელსაც ფორმის გაგზავნით იძლევი.

ამ მისამართს მხოლოდ გაშვების შესატყობინებლად გამოვიყენებთ. არ ვყიდით, არ გადავცემთ და სხვა დაგზავნაში არ ჩავრთავთ. წაშლა ნებისმიერ დროს — მოგვწერე hello@norma.com.ge-ზე და სიიდან ამოგშლით. აპლიკაციის გაშვების შემდეგ სიას მთლიანად წავშლით.